كتير مننا دايما بيسمع مصطلح CAD / CAM واللي يعتبر مجال كبير وواسع من مجالات الهندسة الميكانيكيه وواحد من أكثر المجالات طلبا في سوق العمل لكن فعليا المصطلح الاساسي هو CAD / CAE / CAM ومن خلال المقالة دي هنقدر نعرف الفرق بينهم.
1- التصميم بإستخدام الكمبيوتر Computer Aided Design (CAD)
يعتر ال CAD هو تطبيق منهجية بمساعدة الكمبيوتر لنمذجة المنتجات ثلاثية الأبعاد ، وإنشاء رسومات صناعية ، وعمل تقارير هندسية.
برامج ال CAD كثيره جدا ومتنوعه ومش مقتصره فقط علي المجال الهندسي أبرزها:
Solidworks / Catia / Inventor / NX / Fusion 360/ Pro-Engineer
برامج الكاد مش بس بتساعدنا علي رسم تصميمات كبيره ومعقده في وقت أسرع بكتير جدا عن رسم نفس التصميمات دي بالطريقه التقليدية اللي تكاد تكون بتنعدم في الوقت الحالي بالإضافه الي انها بتساعدنا علي عرض التصميمات دي بشكل إحترافي من خلال صور وفيديوهات عالية الدقة.
تلعب ال CADاليوم دورًا مهما في المجالات الصناعية والمؤسسات التجارية المختلفة نظرًا لأهميتها الفنية والمالية في التصاميم الصناعية والهندسية وتصنيع المنتجات.
تم تطبيق ال CAD لإنشاء تصميمات هندسية ثلاثية الأبعاد ، وتحديد معلومات المواد بما في ذلك الخصائص الميكانيكية والحرارية ، وتعيين الأبعاد للتصميم.
في أوائل الثمانينيات ، ادي استخدام ال CAD إلي التقليل من الطريقة اليدوية إلى حد كبير ، وسمح للمهندسين بتصميم المنتجات بكفاءة أكبر.
في الوقت الحالي معظم الجامعات لم تعد تعلم الطلاب الطرق اليدوية للتصميم وتم استبدالها بتعليم أحد برامج ال CAD.
مجالات ال CAD كتيرة جدا وفي صناعات متنوعة أبرزها ( تصميم القوالب (الاسطمبات) – الهندسة العكسية – تصميم الماكينات – تصميم المنتجات ).
2- المحاكاة بإستخادم الكمبيوتر Computer Aided Engineering (CAE)
مع إنتهاء مرحلة التصميم بيظهر دور مرحلة المحاكاة اللي بيتم فيها التأكد من سلامة التصميم من خلال محاكاة الظروف اللي هيتعرض لها المنتج في الواقع وتطبيقها علي احد برامج المحاكاه.
دور مرحلة المحاكاه هو اختبار التصميم دون اللجوء لتصنيع prototype نختبر عليه واللي أكيد هيكلف وقت وفلوس وقد يكون محتاج تعديل فالعمليه التصنيعيه تحتاج وقت اطول وبالتالي تكلفة أكبر وعلشان كده دور المحاكاه في عالم البيزنس في غاية الأهمية.
المحاكاه بتنقسم لنوعين:
1- لو المحاكاه بتم علي مادة صلبة بنستخدم طريقة Finite Element Analysis (FEA)
2- لو المحاكاة هتم علي مادة سائلة او غازيه بنستخدم طريقة Computational Fluid Dynamics (CFD).
أبرز برامج المحاكاة:
Ansys / Abaqus / SimScale / Mold Flow / Nastran
3- التصنيع بإستخدام الكمبيوتر Computer Aided Manufacturing (CAM)
بعد التأكد من التصميم من خلال مرحلة المحاكاة بيجي دور أخر مرحلة ال CAM اللي بيتم فيها عمل G & M Code تقدر ال CNC Machine تترجمه لمجموعه من العمليات و الحركات اللي بإنتهاءها بيكون المنتج جاهز.
أبرز برامج ال CAM:
PowerMill / ArtCAM / CAMWorks / Solid CAM
حاولنا بقدر الإمكان نعمل overview عن CAD / CAE / CAM ولكن للحديث بقيه في مقالات أخري تفصيلية عن كل مرحلة فيهم فخليك متابعنا دايما علشان تستفيد ولو عندك أسئلة سابهالنا في الكومنتات.
تقدر تتعلم كورسات كتير جدا عن مجال CAD / CAE / CAM هتساعدك في الحصول علي وظيفه او انك تكون قادر علي العمل عن بعد (Freelancing).
