استمتع بعروض شهر فبراير علي جميع دورات نتعلم المنصة الهندسية الأكبر في الشرق الأوسط
00
يوم
:
00
ساعة
:
00
دقيقة
:
00
ثانية
كيفية بناء بروفايل علي LinkedIn – Net3lem

كيفية بناء بروفايل علي LinkedIn

النهاردة هنتكلم عن كيفية بناء بروفايل قوي علي LinkedIn

 

1- الصورة الشخصية Profile Picture

صورتك الشخصية هي الانطباع الاول عنك وبالتالي لازم تكون حاطط صوره Professional وابعد تماما عن صور مواقع التواصل الاخري زي فيسبوك وانستجرام لان دا هيدي انطباعي اولي عنك مش لطيف.

وجود صورة شخصية ليك بيزيد من فرص ظهور بروفايلك للأخرين 14 مرة عن الاشخاص اللي مش حاطين صورة شخصية.

 

2- العنوان الرئيسي Profile Headline

في طريقتين تقدر تكتب بيهم العنوان الرئيسي واللي بيكون ظاهر لأي حد قبل حتي ما يفتح بروفايلك فمهم جدا تهتم بيه وتتجنب اي أخطاء لغويه فيه

الطريقة الأولي أنك تكتب الوظيفة الحاليه ليك والشركة اللي أنت شغال فيها زي مثلا

Mechanical Design Engineer at “X”

الطريقة الثانية أنك تكتب مجموعة المهام اللي تقدر تأديها بحيث انك تسوق لنفسك في أكثر من جزء زي مثلا

Event Planner | Digital Marketer | Web Developer

3- الموجز Summary

بمجرد ما حد يفتح بروفايلك اول حاجه هيقرأها هي ال About بتاعتك علشان كده مهم جدا انها تكون مكتوبة صح لغويا بالإضافه الي انها تكون بتوصفك بشكل كبير علشان اللي بيقرأ يبقي قادر يفهم مميزاتك.

دي مجموعه من الأسئله اللي المفروض انك بتكون بتجاوب عليها وانت بتكتب الموجز الخاص بيك

( من أنت؟ – ماذا تفعل؟ – ما الخدمات التي تقدمها – مالمميزات التي تفضلك عن غيرك؟ – كيفية التواصل معك؟ )

وخلال إجابتك حاول تزود ال Key Words بحيث دا يساعدك في ان بروفايلك يظهر أكتر كل لما حد يعمل سيرش بال Key Words دي.

4- الخبرات Experience

طبعا هتكتب أنت شغال أي وفي أي شركة وبدأت شغل من أمتي وبعدها هتكتب الوصف الوظيفي بتاعك لكن الأهم كتابتك للإنجازات اللي عملتها في الشغل والمشاكل اللي قدرت تحققها وطبعا لو عرضت دا بالأرقام هيبقي شئ عظيم جدا زي مثلا أنك خدت the best seller في شهر نوفمبر لأنك حققت التارجت بنسبة 300%.

5- التعليم Education

هتكتب الدرجه العلمية اللي حاصل عليها وتكتب الجامعه او المعهد اللي درست او لسه بتدرس فيه وتقدر تضيف تقديرك الجامعي والأنشطه اللي شاركت فيها خلال الفترة الدراسية دي.

6- الشهادات License & Certifications

هتضيف الشهادات اللي أنت حصلت عليها سواد كانت شهادات كورسات تدريبات أو إعتمادات دولية.

7- الخبرات التطوعية Volunteering Experience

لو عندك أي نشاط تطوعي ضيفه وأكتب أنت كنت مسؤول عن أي وبتعمل دا مع أي منظمة.

8- المهارات والتزكيات Skills & Endorsement

هتعرض مجموعه المهارات اللي بتتوافر فيك في الوقت الحالي وكل ما تتعلم مهارة جديدة تقدر تضيفها مستقبلا ومن الأفضل انك تشوف إعلانات الوظائف للشركات في مجالك وشوف هم طالبين مهارات أي واللي عندك من المهارات دي ضيفه واللي مش عندك أبدأ اتعلمه وكل ما كان عدد كبير من مهاراتك متوافق مع المهارات الموجوده في اعلانات الوظائف كل ما هتكون فرصك أقوي في التوظيف وظهور بروفايلك لل HRs.

بالنسبة للتزكيات فمهم تطلب من أصدقاء العمل او الدراسه انهم يعملولك تزكيات علي مهاراتك علشان دا بيدي مصداقية لكلامك.

9- التوصيات Recommendations

بتطلب فيها من زمايلك أنهم يكتبوا عن كام جمله بتوضح انك حد مميز بالفعل وأنك قادر تشتغل في تيم وتطلع نتائج كويسه وغيرها من أساليب المدح ودا هيفرق جدا في قوة بروفايلك.

10- الدورات Courses

تقدر تضيف الدورات اللي خدتها ومهم جدا انك تبين انك حد مجتهد وبتتعلم ذاتيا وبتاخد دورات في مجالك علشان دايما تبقي قادر تطور من نفسك.

11- المشاريع Projects

هتضيف المشاريع اللي اشتغلت عليها سواء في فترة الكلية او بعد التخرج وتكتب نبذة عنها والناس اللي شاركت معاك فيها بحيث يبقي اللي بيقرأ يبقي فاهم انت كان دورك اي والمشروع نفسه اي وظيفته.

12- التكريمات والجوائز Honors & Awards

لو خدت أي شهادة تقدير او لقب زي الطالب المثالي او احسن موظف في الشركة او اتكرمت في مناسبة تقدر تضيفها.

13- اللغات Languages

هتضيف اللغات اللي تعرفها وتحط مستواك في كل لغة.

14- المنظمات Organizations

هتضيف المنظمات اللي انت تابع ليها او اشتغلت معاها زي نقابة المهندسين او منظمة الامم المتحدة وغيرهم.

15-Patents / Test Scores / Publications

كمان تقدر تضيف (درجتك في اختبارات دوليه زي الايلتس والتوفل / اوراقك البحثيه لو أنت حد أكاديمي / براءة الاختراع).

0
    سلة التسوق
    سلة التسوق فارغةالرجوع للرئيسية