استمتع بعروض بداية العام علي كل دورات ودبلومات نتعلم المنصة الهندسية الأكبر في الشرق الأوسط
00
يوم
:
00
ساعة
:
00
دقيقة
:
00
ثانية
عندك حساب علي LinkedIn ؟ – Net3lem

عندك حساب علي LinkedIn ؟

الاول اي هو LinkedIn

هو أكبر موقع للتواصل المهني علي مستوي العالم بعدد مستخدمين وصل لتقريبا 760 مليون مستخدم مع نهاية الربع الأول من 2021.

طب اي القيمه او الإستفادة اللي هحصل عليها من وجود حساب شخصي علي LinkedIn؟
في الحقيقه ان المكاسب كتير جدا وهنعرض جزء منها خلال البوست واللي هتكون مصحوبة بإحصائيات رسميه هدفها ابراز القيمه الفعليه ل LinkedIn في عالم التوظيف. ( الإحصائيات حسب أخر تحديث لها في 29/6/2021 ).

1- العلامة الشخصية Personal Branding

هنا أنت بتسوق نفسك وخدماتك اللي تقدر تقدمها وتبدأ تبرز إنجازاتك ومهاراتك واللي هتكون سبب في ظهورك بشكل أكبر لل HRs وبالتالي زيادة فرصك في التوظيف.

كمان LinkedIn بيزيد من فرص ظهورك علي جوجل سيرش واللي بيساهم في سرعة الوصول لبروفايلك.

2- شبكة العلاقات (Networking)

حوالي 29% من عمليات التوظيف بتكون عن طريق العلاقات والترشيحات في حين أن الطريقة التقليديه بأنك تبعت CV علي إيميل الشركة بتكون نسبة قبولك من خلالها 7% بس وهنا يبرز دور لينكدان اللي بيمكنك من بناء شبكة علاقات مع أشخاص مهنين في مجالك او مجالات أخري انت مهتم بيها تقدر تستغل شبكة العلاقات دي في حصولك علي وظيفه او بناء شراكات لو كنت صاحب بيزنس.

3- فرص التوظيف Job Opportunities

– أكتر من 95% من Recruiters بيستخدموا لينكدان بشكل منتظم وبالتالي عندك فرصة كبيره أنك تكون بارز ويتم استقطابك.

– حوالي 57 مليون شركة موجدين علي LinkedIn.

– 3 أشخاص بيتم توظيفهم كل دقيقة من خلال LinkedIn.

– حوالي 100 مليون فرصة توظيف بيتم نشرهم شهريا علي LinkedIn.

– البوست الواحد علي LinkedIn تقريبا بيوصل ل 9 دول واللي بيخلي عندك فرصة في الحصول علي وظيفه من خارج دولتك.

– الفرص التوظيفيه دايما بتكون حقيقية لأنها بتكون عن طريق الصفحات الرسمية للشركات المهم أنك دايما تكون عامل تحديث لبروفايلك علشان LinkedIn يعمل Matching بينك وبين الوظايف المناسبة ليك اللي بتنزل بشكل مستمر.

4- المحتوي Content

– مقالات وفيديوهات قيمة جدا بتخليك مطلع علي كل ما هو جديد في مجالك

– محتوي لينكدان زاد بنسبة 60% خلال 2020

– زياده live streams بنسبة 437% خلال 2020

– سنة 2015، LinkedIn استحوذت علي منصة Lynda (واحده من أكبر المنصات الالكترونيه للكورسات المهنيه) واللي بقت بإسم LinkedIn Learning علشان يكون LinkedIn بيقدملك كل اللي أنت محتاجه علشان تبقي مؤهل بالشكل الكافي لسوق العمل وتغيراته المستمرة.

– كمان في Groups لكل المجالات واللي بيتم فيها مشاركة كل ما هو جديد في المجال بالإضافه للنقاشات المستمره بين أعضاء Group.

دا كان جزء من مزايا وجود حساب شخصي ليك علي LinkedIn واللي الهدف منها تبقي عارف ان استخدامك ليه ميزة عكس وسائل التواصل الإجتماعي الأخري.

لو لسه معندكش بروفايل فأنتظرنا هنعرفك ازاي تقدر تبني بروفايلك في بوست قادم.

أما لو عندك بروفايل بالفعل فتقدر تشوف مدي قوته من خلال اللينك دا:

https://lnkd.in/dkYn2CW

 

 

0
    سلة التسوق
    سلة التسوق فارغةالرجوع للرئيسية