تختلف قوة مدير المشروع من حيث السلطات الممنوحة له من قبل المؤسسة باختلاف الهيكل التنظيمي للشركة تعالوا نتكلم عن أنواع الهياكل الموجودة بالمؤسسات
Functional Organization *
وهو هيكل بيقسم الموظفين بحسب تخصصاتهم والأصل ان الشركة مالهاش مشروعات مستمرة فلو حصل ان الشركة عملت مشروع زي تطوير المخازن مثلا او عمل برنامج لموارد المؤسسة ساعتها بيختاروا أعضاء المشروع من الإدارات المختلفة بس المشكلة ان اي تنسيق للمشروع بيتم بواسطة المديرين الوظيفيين مدير الحاسب الالى او المدير المالي مثلا اللي ممكن انهم يبقوا خارج المشروع
في ميزة ان الشخص جوه النظام ده بياخد خبرة كبيرة في تخصصه
Weak Matrix Organization*
وهنا بيحصل تعديل بسيط في النظام السابق اننا بنمنح لمنسق المشروع بعض الصلاحيات لقيادة فريق المشروع وعمل الفريق في المشروع بيبقى مؤقت يعني ساعتين في الاسبوع للعمل في المشروع وباقي الوقت كل واحد شغال في وظيفته وهنا وصفنا النظام بالمصفوفي لوجود نظامين واحد رأسي جوة الإدارة والتاني افقي جوه المشروع
ووصفناه بالضعيف لان قوة منسق المشروع ضعيفة بالنسبة للمدير الوظيفي
Balanced Matrix Organization*
هنا بنرقي منسق المشروع لمدير مشروع يعني معاه ميزانية ومكافات فأصبحت القوة متوازنة بين الاتنين
وبيظهر في النوع ده بالذات العيب العام للتمام المصفوفي وهو وجود ريسين لموظف واحد
Strong Matrix Organization *
وده بيكون في المؤسسات اللي بتعمل مشروعات بصفة مستمرة بنعمل إدارة مديري المشاريع بيخرج منها مديرين مشاريع وبيشتغلوا مع الفريق بصفة دائمة ومستمرة ومابيرجعوش لمديرهم الإداري الا في حالة عدم وجود مشاريع وبكده يبقى مدير المشروع هو الاقوى
احد المتدربين وكان في مكتب استشاري كبير بيقول لي وهو في مشروع في العين السخنة أنه ماشفتش مديره الإداري في المكتب الرئيسي في القاهرة من 5سنين لأنه بيخلص مشروع يشتغل في اللي بعده.
Projectized Organization *
وهنا الشركة بتجيب فريق المشروع للعمل بصفة مؤقتة فترة المشروع وبعد انتهاء المشروع اما يشتغلوا في مشروع تاني او يبحثوا عن مكان تاني العمل طبعا هنا مفيش استقرار بينشأ عنه عدم ولاء المؤسسة
هنا نلاحظ مفيش مدير إداري فمدير المشروع هو الكل في الكل