استمتع بعروض شهر فبراير علي جميع دورات نتعلم المنصة الهندسية الأكبر في الشرق الأوسط
00
يوم
:
00
ساعة
:
00
دقيقة
:
00
ثانية
كيفية بناء شبكة علاقات علي LinkedIn – Net3lem

كيفية بناء شبكة علاقات علي LinkedIn

النهارده هنتكلم عن ال Networking وازاي تزود عدد ال connections الخاص بيك مع الأشخاص اللي هتستفيد بوجودهم فعلا.

ذكرنا قبل كده أن حوالي 29% من عمليات التوظيف بتكون عن طريق العلاقات والترشيحات في حين أن الطريقة التقليديه بأنك تبعت  CV  علي إيميل الشركة بتكون نسبة قبولك من خلالها 7% بس وهنا يبرز دور لينكدان اللي بيمكنك من بناء شبكة علاقات مع أشخاص مهنين في مجالك او مجالات أخري انت مهتم بيها تقدر تستغل شبكة العلاقات دي في حصولك علي وظيفه او بناء شراكات لو كنت صاحب بيزنس.

خلينا نقسم ال connections بتاعتك ل 60% من مجالك و 20% يكونوا HRs في شركات أنت حابب تشتغل فيها و 20% الباقين لأشخاص مجالاتهم قريبه من مجالك وفي تواصل بين مجالاتكم زي مثلا مهندس ميكانيكا ومهندس كهربا ، التسويق والمبيعات وغيرهم من الامثلة الاخري.

مهم يبقي عدد ال Connections  عندك أكتر من 500 علشان بروفايلك يظهر أكتر وكل لما تكون متفاعل أكتر علي لينكدان كل لما فرصك تزيد تقدر تنزل محتوي خاص بمجالك أو تنزل شهادات انت حققتها او مشاكل انت حلتها في شغلك أو تكريم في مناسبه معينه وطبعا تفاعلك مع ال connections اللي عندك دا هيخليك دايما موجود واسمك بارز لل Network بتاعتك.

ال connections بتظهر ب 4 أشكال :

1- 1st degree connections : ودول الأشخاص اللي موجودين عندك بالفعل واللي أنت قبلت طلب التواصل بتاعهم او العكس.

2- 2nd degree connections : ودول الاشخاص اللي مش عندك بس في بينك وبينهم أشخاص مشتركين.

3- 3rd degree connections : ودول الاشخاص اللي مش عندك ومش عند حد من ال connections بتوعك.

4- followers : الأشخاص اللي أختاروا انهم يتابعوا المحتوي العام الخاص بيك.

في أشكال كتير لطرق زيادة الconnections:

1- لو فتحت My Network هتلاقي في الشمال موجود كلمة “Contacts” ودي بيكون فيها الناس اللي أنت تواصلت معاهم عن طريق الإيميل اللي انت مسجل بيه علي لينكدان وبردو فيها الناس اللي انت مسجل رقمهم عندك علي الموبايل او علي الايميل.

2- تقدر تضيف زمايلك في الجامعه او المعهد عن طريق انك هتزور الصفحه الرسميه للجامعه او المعهد وهتختار امر Alumni.

3- تقدر تدخل علي الصفحه الرسميه لأي شركه أو منظمة انت عايز تشتغل فيها وتضيف الناس اللي في مجالك وتضيف بردو ال HRs اللي فيها.

4- تقدر تستخدم keywords خاصة بمجالك وتسرش بيها وبعدها تعمل filtration زي مثلا أنت شغال في مجال التصميم الميكانيكي فهتسيرش ب Mechanical Design Engineer وبعدها تختار People ثم 2nd connections ثم تختار الدوله اللي انت عايزها وتختار هو شغال في شركه اي ومتخرج من جامعه اي وبروفايله ظاهر بأنهي لغه كل دي وغيرها من الاوبشنز الموجوده اللي هتساعدك انك توصل للاشخاص المناسبه ليك.

المهم ان الشخص اللي تتواصل معاه متحاولش تطلب منه وظيفه من البدايه كده لانه لسه ميعرفكش لكن انت ممكن تتعرف عليه الاول وتوريه جزء من شغلك وخبراتك بالتزامن مع تفاعلك علي البروفايل وانك بتشير محتوي مفيد في مجالك ساعتها تقدر تطلب منه ترشيح لوظيفه.

كمان يفضل لو انت بتستخدم لينكدان ولسه في البدايه فخلي استخدامك من خلال الموقع لانه اسهل من ال App.

0
    سلة التسوق
    سلة التسوق فارغةالرجوع للرئيسية