استمتع بعروض بداية العام علي جميع دورات نتعلم المنصة الهندسية الأكبر في الشرق الأوسط
00
يوم
:
00
ساعة
:
00
دقيقة
:
00
ثانية
حسابات الاحمال الحرارية – Net3lem

حسابات الاحمال الحرارية

هنتكلم فى المقالة دي عن تقديرالأحمال الحرارية للمباني المختلفة 

اول خطوة واول حاجة بنعملها واحنا بنصمم نظام التكييف المركزي للمباني هو تقدير حسابات الأحمال الحرارية للفراغات المطلوب تكييفها داخل المباني وكمان عشان اقدر اعرف واحدد كمية الطاقة الحرارية اللازم ازالتها من الفراغات عن طريق نظام التكييف المركزي اللي هيتم تصميمة واختيار الماكينات الخاصة بيه بشكل مناسب

 

  • بيتم تقدير حسابات الاحمال الحرارية بطريقيتن: .

 

– اول طريقة هي الطريقة اليدوية اللى بتعتمد على المعادلات والمراجع والاكواد بشكل كامل وحسابتها بالكامل بتم بطريقة يدوية ودي بنشرحها بالكامل فى الدورة التدريبية فى منصة نتعلم دوت كوم ودي لازم تكون فاهمها وعارفها كويس جدا  لانها المدخل لعلم التكييف المركزي بالكامل واللي هنبني علية الطريقة التانية اللى هي عن طريق البرامج الهندسية المختلفة اللى من اشهرها برنامج الهاب واللي بنشرحة بشكل كامل وبشكل مفصل فى الكورس بتعتنا على منصة نتعلم 

 

*الخطوات الخاصة بتقدير حسابات الاحمال الحرارية  لاي مبني سواء بالطريقة الاولي او الطريقة الثانية :

 

  1. تحديد الظروف المناخية للموقع الجغرافي الواقع فيه المبني المفروض نحسبة واكيد المشروع بتعنا لو كان فى القاهرة حساباته هتختلف تماما لو كان المشروع بتعنا فى اسيوط او فى السعودية  وبنشرحلك فى الكورس بتعنا ازاي تجيب معلومات صحيحة للموقع الجغرافي للمشروع بتاعك 
  2. تحديد الاتجاهات الخاصة بالفراغات فى المشروع مع العلم ان اقصي حمل حراري يكون فى اتجاه الغرب
  3. تحديد مساحات الارضية للفراغات التي يتم حسابها من الرسومات المعمارية
  4. تحديد مساحات الحوائط الخارجية من الرسومات المعمارية 
  5. تحديد مساحات الشبابيك الخارجية من الرسومات المعمارية مع تحديد كل الخصائص من وجود ستائر او نوع الشباك سواء كان الومنيوم او خشب ونوع الزجاج اذا كان زجاج شفاف او زجاج عاكس 
  6. تحديد قيمة معامل انتقال الحرارة للحوائط والشبابيك وبنشرح بالتفصيل فى الكورس بتعنا طريقة ايجاد معامل انتقال الحرارة سواء للطريقة اليدوية او للطريقة الثانية باستخدام برنامج الهاب
  7. تحديد عدد الاشخاص داخل الفراغ مع تحديد نوع نشاط كل شخص (شغل مكتبي ام صالة العاب رياضية) كل نوع بيختلف فية الطاقة الحرارية الخارجة من كل شخص
  8. تحديد مساحة الحوائط الداخلية التي تفصل بين الفراغات المكيفة والفراغات الغير مكيفة 
  9. تحديد نوع الاضاءة وشدة الاضاءة المستخدمة وبيتم استخراجها من جداول الاكواد وبيتم شرح دا بالتفصيل فى الكورس 
  10. تحديد انواع الاجهزة الكهربائية الموجودة داخل الفراغات لمعرفة وتحديد كمية الطاقة الحرارية اللى بتخرج من كل جهاز  وبيتم استخراجها من جداول الاكواد وبيتم شرح دا بالتفصيل فى الكورس 
  11. تحديد مساحة الاسقف وتحديد جيدا اذا كان السقف ده داخلي ام سقف معرض للشمس لان كل حالة منهم ليها تعامل خاص منفرد
  12. تحديد طبيعة المبني ونوعة لان المباني الادارية بتختلف فى تصميمها عن المستشفيات  فكل نوع مبني لية طبيعة تعامل خاصة 
  13. تحديد كمية الهواء النقي اللازمة لكل فراغ على حسب نوع واستخدامه ونشرح ازاي نجيب الكمية دي فى الكورس من جداول الكود بالتفصيل

 

بعد ما بنحدد ال 13 نقطة اللى فوق دول بنكون قادرين تماما سواء بالطريقة الاولي او الثانية من تقدير حسابات الاحمال الحرارية لاي نوع مبني او اي مشروع بيتم تصميمة ونقدر نحدد الطن التبريدي ونقدر نحدد كميات الهواء اللازمة لازالة الاحمال الحرارية اللى حددناها دي وبنكون كمان قادرين على استكمال بقية خطوات المشروع بشكل سليم.

0
    سلة التسوق
    سلة التسوق فارغةالرجوع للرئيسية